Os yw eich ffrind wedi ymddiried ynoch ac wedi datgelu'r trais y mae'n ei brofi, mae hwn yn gam cadarnhaol iawn. Gall fod yn anodd gwybod sut i ymateb, yn enwedig os ydych chi'n poeni y gallai eich ffrind fod mewn perygl. Fodd bynnag, mae ffyrdd y gallwch gefnogi eich ffrind:
- Byddwch yno – rhowch wybod iddyn nhw eich bod chi yno iddyn nhw waeth beth. Cadwch linellau cyfathrebu ar agor a sicrhewch y gallant gysylltu â chi ar unrhyw adeg.
- Peidiwch â barnu – peidiwch â mynd yn rhwystredig gyda chi ffrind os nad ydynt yn barod i adael y sefyllfa sarhaus. Rhaid i'r penderfyniad i adael dod oddi wrthynt. Byddwch yno i'w cefnogi gyda'u dewisiadau.
- Tawelwch meddwl – efallai y bydd eich ffrind yn teimlo mai nhw sydd ar fai am y trais. Rhowch sicrwydd i'ch ffrind nad eu bai nhw ydyw ac nad ydynt yn haeddu cael eu trin fel hyn.
- Mynnwch gefnogaeth – darganfyddwch pa gymorth sydd ar gael i'ch ffrind a rhannwch hwn. Anogwch eich ffrind i gael gafael ar gymorth sydd ar gael. Sicrhewch fod ganddynt rifau ffôn brys a manylion cyswllt sefydliadau a all helpu. Gallwch chi neu'ch ffrind gysylltu â'r Llinell Gymorth 24 Awr Byw Heb Ofn
- Trafodwch opsiynau – siaradwch â'ch ffrind am y cam-drin ac archwiliwch opsiynau a dewisiadau. Ceisiwch beidio â bod yn feirniadol os nad ydynt yn barod i wneud unrhyw beth eto.